1 Ерөнхий нөхцөл
Энэхүү нөхцөл нь Vendly (vendly.mn) платформ болон түүн дээрх дэлгүүрүүдийг ашиглах, худалдан авалт хийх, дэлгүүр эрхлэхтэй холбоотой харилцааг зохицуулна.
Та платформд бүртгүүлэх, захиалга хийх эсвэл дэлгүүр нээснээр энэхүү нөхцөл болон Нууцлалын бодлогыг хүлээн зөвшөөрсөнд тооцогдоно.
2 Бүртгэл
- Та Үйлчлүүлэгч (бараа худалдан авах) эсвэл Дэлгүүрийн эзэн (дэлгүүр нээх) хэлбэрээр бүртгүүлж болно.
- Бүртгэлийн мэдээлэл үнэн зөв байх ёстой бөгөөд нэвтрэх нууц үгээ нууцлах үүрэгтэй.
- Бусдын нэр, мэдээллээр хуурамч бүртгэл үүсгэхийг хориглоно.
3 Үйлчлүүлэгчийн эрх, үүрэг
- Захиалгын мэдээлэл (нэр, утас, хаяг)-ээ үнэн зөв оруулах.
- Сонгосон төлбөрийн нөхцлийн дагуу төлбөрөө хийх.
- Хүргэлтийн үед холбоотой байх.
- Бараа, дэлгүүрийн талаар үнэн зөв сэтгэгдэл, үнэлгээ үлдээх.
4 Дэлгүүрийн эзний эрх, үүрэг
- Бараа, үнэ, нөөц, хүргэлтийн мэдээллийг үнэн зөв, шинэчилсэн байлгах.
- Захиалгыг цаг тухайд нь боловсруулж, амласан хугацаанд хүргэх.
- Хуурамч, хууль бус, эрх зүйн зөрчилтэй бараа борлуулахыг хориглоно.
- Үйлчлүүлэгчийн хувийн мэдээллийг зөвхөн захиалга биелүүлэх зорилгоор ашиглах.
- Vendly нь комисс, төлөвлөгөөний нөхцлийн дагуу үйлчилгээний хураамж авч болно.
5 Захиалга ба төлбөр
Бүх үнэ Монгол төгрөгөөр (₮) илэрхийлэгдэнэ. Захиалга нь тухайн дэлгүүртэй шууд хийгдэх бөгөөд төлбөр баталгаажсаны дараа боловсруулагдана. Төлбөрийн нөхцөл (QPay, данс шилжүүлэг, бэлэн мөнгө) дэлгүүр бүрээр өөр байж болно.
6 Буцаалт ба маргаан
Буцаалт, солилцооны нөхцөл нь тухайн дэлгүүрийн бодлогоор тодорхойлогдоно. Маргаан гарсан тохиолдолд Vendly-ийн Маргаан шийдвэрлэх системээр дамжуулан шийдвэрлэнэ. Vendly зуучлагчийн үүрэг гүйцэтгэх боловч эцсийн хариуцлагыг тухайн дэлгүүр хүлээнэ.
7 Хориглох зүйл
- Платформын аюулгүй байдлыг зөрчих, системд зөвшөөрөлгүй халдах.
- Хуурамч захиалга, төлбөрийн залилан хийх.
- Бусдын оюуны өмч, лого, контентыг зөвшөөрөлгүй ашиглах.
- Хууль бус, заналхийлсэн, доромжилсон агуулга байршуулах.
8 Хариуцлагын хязгаарлалт
Vendly нь дэлгүүр болон үйлчлүүлэгчийг холбох технологийн платформ юм. Бараа, үйлчилгээний чанар, хүргэлтийн биелэлтийн эцсийн хариуцлагыг тухайн дэлгүүр хүлээнэ. Давагдашгүй хүчин зүйл (цаг агаар, тээвэр, систем доголдол)-ээс үүдсэн сааталд платформ хариуцлага хүлээхгүй.
9 Нөхцлийн өөрчлөлт
Vendly нь энэхүү нөхцлийг шаардлагатай үед шинэчлэх эрхтэй. Шинэчилсэн нөхцөл нь вэбсайтад нийтлэгдсэн өдрөөс хүчин төгөлдөр болно.